Meðtaktu kærleiksboðskapinn eða brenndu!

Ég hef alltaf gaman af því að lesa það sem ríkiskirkjupresturinn María Ágústsdóttir skrifar. Um helgina þurftu greyið prestarnir að fjalla um afskaplega vandræðalegan texta úr Matteusarguðspjalli. Þarna virðist besti vinur barnanna vera reiður út í nokkrar borgir og segir að þær muni brenna í helvíti:

Þá tók Jesús að ávíta borgirnar, þar sem hann hafði gjört flest kraftaverk sín, fyrir að hafa ekki gjört iðrun. "Vei þér, Korasín! Vei þér, Betsaída! Ef gjörst hefðu í Týrus og Sídon kraftaverkin, sem gjörðust í ykkur, hefðu þær löngu iðrast í sekk og ösku. En ég segi ykkur: Týrus og Sídon mun bærilegra á dómsdegi en ykkur. Og þú Kapernaum. Verður þú hafin til himins? Nei, til heljar mun þér steypt verða. Ef gjörst hefðu í Sódómu kraftaverkin, sem gjörðust í þér, þá stæði hún enn í dag. En ég segi yður: Landi Sódómu mun bærilegra á dómsdegi en þér." (Mt 11.20-24)

María hefur þetta að segja um þessi vers:

Sömu sögu mátti segja um þær borgir þar sem Jesús hafði gert flest kraftaverk. Fólkið hafnaði kærleiksboðskap hans, leyfði Guði ekki að hlú að sér,.... #

Ef þið hafnið kærleiskboðskap guðs og leyfið honum ekki að hlúa að ykkur, þá mun ykkur vera steypt í helvíti og þar munuð þið brenna!

Þetta er ekki í fyrsta skiptið sem ríkiskirkjuprestur segir eitthvað svona ótrúlegt, Gunnar Jóhannesson hefur talað um að guð geri hluti „með kærleikann að vopni“.

Athugasemdir

[DoctorE (IP-tala skráð) 18.8.2009 kl. 12:24]

Þau eru bara hrædd við hryðjuverkamanninn Sússa..

María mín, Sússi var aldrei til..og guddi ekki heldur.

[Hjalti Rúnar Ómarsson, 18.8.2009 kl. 12:29]

Kannski rétt að minnast á það að ég sendi vanalega fólki tölvupóst og læt það vita ef ég skrifa um eitthvað sem kemur frá þeim. Ég er búinn að láta Maríu vita, vonandi kemur hún og útskýrir hvernig þessi kærleiksboðskapur virkar.

[DoctorE (IP-tala skráð) 20.8.2009 kl. 15:49]

Hún ætlar ekki að svara fyrir Sússa, þvilíkt og annað eins... Sússi verður ekki glaður með hana Maríu ;)