Páskagetraun

Ég held að flestir átti sig á því að frásagnirnar af tómu gröfinni eru gjörsamlega ósamræmanlegar, nema kannski prestar. Ef þú ert ekki sannfærður um það, þá gætirðu reynt að svara þessari spurningu:

Hvers vegna sagði María Magdalena þetta við lærisveinana...

"Þeir hafa tekið Drottin úr gröfinni, og vér vitum ekki, hvar þeir hafa lagt hann." (Jh 20:2)

....fyrst engill hafði rétt áður sagt henni þetta...

"Hann [Jesús] er ekki hér. Hann er upp risinn, eins og hann sagði. Komið og sjáið staðinn, þar sem hann lá. Farið í skyndi og segið lærisveinum hans: Hann er upp risinn frá dauðum, sjá hann fer á undan yður til Galíleu. Þar munuð þér sjá hann. Þetta hef ég sagt yður." (Mt 28:6-7)

...?

Athugasemdir

[Guðsteinn Haukur Barkarson, 4.5.2007 kl. 21:17]

Þetta er lélegasta dæmið sem þú gast tekið Hjalti. Í fyrsta lagi sýndu þessar konur mannleg viðbrögð vegna þess að líkið var horfið og engill sagði hann upprisinn en tilgreindi aldrei hvert hann fór eftir það. Þess vegna voru þessar konur ekki vissar í hvern fótinn þær áttu að stíga. Þetta eru einungis mennsk viðbrögð og ekkert útá það að setja.

[Margrét St Hafsteinsdóttir, 23.5.2007 kl. 01:16]

Eru nú allt í einu viðbrögð einhvers í biblíunni orðin mennsk þegar það er litið á hana sem lög Guðs af bókstafstrúarfólki (Guðsteinn)

Já Biblían er full af rugli. Enda orðin gömul og lúin.

[Margrét St Hafsteinsdóttir, 26.5.2007 kl. 22:17]

Hvernig er þetta með þig Hjalti.......ætlarðu ekkert að fara að skrifa meira svo maður geti kommentað hjá þér? Ertu búinn að lesa pistilinn minn um nunnuregluna sem ég ætla að stofna? Hvað finnst þér um nunnureglur ef út í það er farið?