Síðkölt

Ég hef skipt um skoðun nýlega varðandi pælingu sem Biggi í Vantrú kom fram með fyrir þremur árum. Pæling hans um  síðkölt. Mér fannst aðalpunktur greinarinnar aðallega vera sá að kristni byrjaði sem algert költ, eða sem “einstaklingsmiðlægur aðdáendahópur“ í kringum Jesú.

Ég var og er alveg sammála því að ef við gefum okkur að Jesús hafi verið til, þá er mjög líklegt að hann hafi verið költleiðtogi, en mér fannst það í raun og veru ekki skipta máli og skildi það að djákna og presti fannst það ósanngjarnt að reyna að klína költ-hugtakinu á Þjóðkirkjuna með þessum hætti.

En um daginn kviknaði ljós þegar ég var að lesa eitthvað efni frá ríkiskirkjupresti. Það er hárrétt hjá Bigga að kristni nálgast enn Jesú eins og költleiðtoga, þrátt fyrir að hann sé dáinn. Ef maður bara les það sem ríkiskirkjuprestarnir láta frá sér, þá sér maður að blind aðdáun á költleiðtoganum er enn til staðar. Leiðtoginn var fullkominn. Leiðtoginn elskaði alla. Leiðtoginn syndgaði aldrei. Þeir sem voru á móti leiðtoganum voru vondir. Leiðtoginn var vitrasti maður sem uppi hefur verið. Það er slæmt að trúa ekki öllu því sem leiðtoginn segir. Leiðtoginn er guð.

Maður sér svipaðan hlut hjá öðrum síðköltum, þessa brjálaðuðu og blindu dýrkun sem beinist að þeim sem stofnaði trúarbrögðin, költleiðtoganum. Múhameðstrúarmenn segja að Múhameð hafi verið fullkominn maður. Vísindaspekikirkjufólk telur L. Ron Hubbard hafa verið merkilegustu manneskju mannkynssögunnar. Kristnir telja Jesú hafa verið guð.

Kristnir eru enn fastir í þessu költhugarfari. Kristni er síðkölt.

Athugasemdir

[Birgir Baldursson (IP-tala skráð) 14.9.2010 kl. 18:13]

Mikið var að þú náðir þessu. ;)

[Hjalti Rúnar Ómarsson, 14.9.2010 kl. 19:44]

Loksins náði ég þessu! :)  Það er greinilega hollt að lesa yfir gamlar umræður hjá manni.

Það er góð "æfing" að skoða hvað fólk segir um Jesús og skipta út "leiðtoginn" eða nafni á öðrum költleiðtogum, dæmi:

Engin manneskja, nema L. Ron Hubbard sjálfur, sem var fullkominn maður og Guð, getur verið og er syndlaus, því breyskleiki mannsins er hluti af órjúfanlegri heild þess, að vera!

[doctore (IP-tala skráð) 15.9.2010 kl. 08:51]

Ef við gerum ráð fyrir að karlinn hafi verið til, þá var hann ekkert nema dómsdagsspámaður... svona gaur eins og Todd Bentley.. sem nota bene er búinn að reisa tugi upp frá dauðum... og söfnuður hans trúir því 100%, vitnar um það....

[Matthías Ásgeirsson, 15.9.2010 kl. 10:25]

Það er góð "æfing" að skoða hvað fólk segir um Jesús og skipta út "leiðtoginn" eða nafni á öðrum költleiðtogum

Þetta gæti verið skemmtileg greinaröð á Vantrú. Endurrita greinar og prédikanir trúmanna en heimfæra þær upp á annað.