Góðar breytingar

Þessir 2170 sem skráðu sig utan trúfélaga (og þá líklega úr ríkiskirkjunni) hafa með þessu minnkað útgjöld ríkisins um um það bil 26 milljónir á ári.

Mér finnst betra að peningurinn minn fari í hluti eins og heilbrigðiskerfið, frekar en að borga launin hans Karls æðsta biskups (þrátt fyrir að prestunum finnist þessi 900 þúsund sem hann fær á mánuði vera skammarlega lág).

Nú er síðan hægt að breyta trúfélagsskráningunni sinni á netinu. Eftir hverju ert þú að bíða?

Mikil fækkun í þjóðkirkjunni

Athugasemdir

[Börkur Hrólfsson, 3.9.2010 kl. 19:10]

Löngu búinn, gekk í Ásatrúarfélagið, og til liðs við hina ,,einu sönnu þjóðtrú" okkar Íslendinga.

http://www.asatru.is/

Þar eru engin ,,boðorð" að þvælast fyrir manni, og hver og einn ábyrgur fyrir eigin orði og æði.

Kynnið ykkur málið.

[Jón Ingi (IP-tala skráð) 3.9.2010 kl. 19:54]

Ég er ekki viss um að útgjöldin hafi minnkað neitt samt, er það ekki þannig að ef fólk skráir sig úr þjóðkirkjunni fara gjöldin til Háskóla Íslands? Það var allvega þannig.

[Hjalti Rúnar Ómarsson, 3.9.2010 kl. 20:00]

Þessu var breytt í fyrra Jón.

[doctore (IP-tala skráð) 4.9.2010 kl. 13:30]

Þeir sem hafa ekki skráð sig út eru ofurseldir útrásarjesúlinga dogma dauðans...

Best að standa utan við þetta allt saman, trúarbrögð eru BRÖGÐ.. .og þið sem eruð í þeim eruð fórnarlömb

[Predikarinn - Cacoethes scribendi , 14.9.2010 kl. 11:25]

Hjalti. Peningurinn sem þú segir að ríkið spari er ekki úr vasa ríkisins. Ríkið innheimtir fyrir hvaða viðurkennda trúfélag sem er félagsgjöld/sóknargjöld þess sem í það er skráður og er ríkissjóður því bara meðalgöngumaður um fjármunina.