Tal um félagsgjöld einber blekking

Pétur heldur því fram að sóknargjöld séu "í eðli sínu félagsgjöld". Þetta er rangt.

Ég held að það sé frekar óumdeilt að félagsgjöld séu gjöld sem að félag fær frá félögum sínum. Þetta á ekki við sóknargjöld. Sóknargjöld eru ekki innheimt af neinum, þetta er peningur sem að ríkiskirkjan fær út frá þeim peningum sem fást með innheimtum tekjuskatti, og tekjuskattur er innheimtur af fólki alveg óháð félagsaðild.

Ímyndum okkur að ég myndi stofna skákfélag. Ríkið tæki þá ákvörðun að gefa mér milljón krónur árlega fyrir hvern þann sem skráir sig í félagið. Svona eru sóknargjöld. Dettur nokkrum í hug að neita því að þetta séu framlög frá ríkinu og að í raun sé um félagsgjöld að ræða?

Tal um sparnað einber blekking

Athugasemdir

[Landfari, 12.11.2011 kl. 20:17]

Þetta er ekki rét hjá þér Hjalti. Sóknargjaldðið rennur til þess trúfélags sem þú ert skráður í en ekki eingöngu til kirkjunnar. Ef þú ert utan trúfélaga rennur það til Háskólans minnir mig.

[Hjalti Rúnar Ómarsson, 12.11.2011 kl. 20:21]

Landfari, ég sagði hvergi að önnur skráð trúfélög fengu ekki líka sóknargjöld. Auðvitað veit ég að önnur trúfélög fá líka þessi framlög frá ríkinu.

HÍ fær ekki lengur sóknargjöld.

[Landfari, 12.11.2011 kl. 21:07]

Sóknargjöld eru í eðli sínu félagsgjöld. Ríkið sér um að innheimta þau og skila til þeirra trúfélaga sem menn tilheyra. Það sparar þessum félögum milljónir að þurfa ekki að standa í innheimtunni sjálf. Þetta eru  forréttindi sem þau njóta en ekki einsdæmi. Þess vegna var farið eins að við innheimtu útvarpsgjaldsins. Einig má nefna að Innheimtustofnun sveitarfélaga sér um að innheimta meðlög og skilar þeim, án þóknunar, til hins foreldrisins. Það er að vísu skylda að greiða þessi gjöld sem gildir ekki fyrir frjáls félagasamtök en það eru til félög sem sem þér er skylt að greiða í hvort sem þú vilt það eða ekki. Nærtæakst er að nefna húsfélög og lífeyrissjóði.

Hvert fara sóknargjöld þeirra sem standa utan trúfélaga núna?

[Hjalti Rúnar Ómarsson, 12.11.2011 kl. 21:23]

Sóknargjöld eru í eðli sínu félagsgjöld. 

Landfari, hvað þýðir "félagsgjöld" eiginlega í þínum huga? Ég útskýri hvað ég tel þau vera í þessari bloggfærslu. 

Hvert fara sóknargjöld þeirra sem standa utan trúfélaga núna?

Til hvers ertu eiginlega að vísa til þegar þú talar um "sóknargjöld þeirra sem standa utan trúfélaga"? 

[Hjalti Rúnar Ómarsson, 12.11.2011 kl. 21:24]

Og já, myndirðu kalla styrkinn, sem ég fengi í ímyndaða dæminu mínu, félagsgjöld? 

[Skeggi Skaftason, 12.11.2011 kl. 22:33]

Landfari:

Þetta er bull. Útvarpsgjaldið er aukaskattur, þú sérð það á innheimtuseðli þínum. Sóknargjaldið er bara partur af tekjuskatti, ekki aukaskattur. Þannig hefur það verið síðan skattkerfinu var breytt yfir í staðgreiðslukerfi 1987. Þá var sóknargjaldið einfaldlega fellt inn í tekjuskatt, hann þá líklega hækkaður sérstaklega um ca. 0.15% eða svo til að dekka það.

Allir borga sama tekjuskatt, sama hvort þeir eru í trúfélagi eða ekki. Sérhvert trúfélag fær svo "sóknargjöld" greidd úr ríkissjóði, í samræmi við fjölda sóknarbarna. Réttara væri því að kalla sóknargjald sóknarstyrk. Því þetta er styrkur ríkisins til trúfélaga. Það var þannig að ríkið greiddi sem svaraði "sóknargjaldi" þeirra sem eru utan trúfélaga til HÍ, en því var hætt fyrir tveimur árum.

En sjálfsagt væri að lækka tekjuskattinn sem nemur sóknargjaldinu, þ.e. um þessi 0.15% eða svo, þegar þetta verður tekið út úr ríkissrekstrinum.

[Landfari, 12.11.2011 kl. 23:07]

Takk fyrir þessar upplýsingar Skeggi. Ég hef greinlega ekki lesið álagningarseðilinn nógu vel undanfarin ár. Nema kirkjugarðsgjaldið hafi ruglað mig. Erum við ekki enn að borga það annars?

[Jeremías (IP-tala skráð) 13.11.2011 kl. 07:41]

Ég vil aðeins tala um þessi sóknargjöld.

Landfari talaði um hvernig sóknargjöldin færu í háskólann. Það var að hluta til rétt. Þau runnu til guðfræðisdeildar ef maður var skráður utan trúfélags. Þessi deild sá mestmegnis um að framleiða presta, djákna og biskupa.

Í dag er búið að breyta þessu fyrirkomulagi. Ef að maður skráir sig utan trúfélags þá borgar maður árlega 8 þúsund krónur sem rennur beint í ríkissjóð. Það er því hægt að segja að maður er skattlagður um 8 þúsund krónur á ári fyrir að vera trúleysingi.

[Skeggi Skaftason, 13.11.2011 kl. 09:06]

Jeremías:

Þetta er raunar bara flökkusaga, að þessi peningar hafi runnið beint í Guðfræðideild. það er ekki rétt. Peningar runnu í sérstakan sjóð sem hét Háskólasjóður. Held að HÍ hafi notað þá peninga í allt mögulegt. Guðfræðideildin fékk svo bara fé til rekstrar eins og hver önnur deild.

Það er heldur ekki beinlínis rétt að þú sért skattlaðgur sérstaklega um 8000 kr. Þú bara borgar þinn tekjuskatt, ef þú ert með einhverjar tekjur. Svo fá trúfélögin sín "sóknargjöld" beint úr ríkissjóði. Þannig að það má vissulega segja að "sóknargjalds"-hluti þeira sem eru utan trúfélaga sé eftir í ríkissjóði.

Trúfélög fá sem sagt pening frá ríkinu, svo einfalt er það. Þannig styrkjum við öll Krossinn, Votta Jehóva, "Catch the Fire", Hvítasunnusöfnuðinn, og hvað þetta nú allt heitir.

[Pétur (IP-tala skráð) 13.11.2011 kl. 14:53]

Þetta eru ekki félagsgjöld, heldur einfaldlega styrkur úr ríkissjóði. En ef þetta væru félagsgjöld, þá væri það rétt sem Jeremías segir að trúleysingjar borgi sérstakan trúleysisskatt. Enn fremur, þar sem ríkisskirkjan fær hærri sóknargjöld en önnur trúfélög, þá væri einnig hægt að tala um sérstakan villutrúarskatt, sem þó væri öllu lægri en trúleysisskatturinn.