Í tilefni hvítasunnu

Í Postulasögunni er sagt frá því að eftir uppstigningu Jesú hafi lærisveinarnir safnast saman og þá hafi þeir fyllst heilögum anda:

Þeir fylltust allir heilögum anda og tóku að tala öðrum tungum, eins og andinn gaf þeim að mæla. (P. 2.4)

Færri vita að í Jóhannesarguðspjalli fá lærisveinarnir heilagan anda frá Jesú þegar hann birtist þeim upprisinn:

Og er hann hafði sagt þetta, andaði hann á þá og sagði: „Meðtakið heilagan anda.“ (Jh 20.22)

Höfundur (eða -ar) Jóhannesarguðspjalls könnuðust líklega ekkert við þessa frásögn í Postulasögunni og fundu því annan stað til þess að láta lærisveinana fá heilagan anda.

Það er afar skemmtilegt að sjá hvernig trúmenn bregðast við þessari mótsögn. Fyndnasta skýringin sem ég hef séð er frá einhverjum ókurteisum bandarískum trúvarnarmanni sem Mofi hefur stundum vísað í, þetta er útskýringin hans:

 

Helms incorrectly sees Jesus imparting the Holy Spirit to the disciples in John 20:22 -- this was not an impartation but a symbolic enactment of the Pentecost event #

Það er afar gaman að ímynda sér þetta: Hinn upprisni Jesús birtist lærisveinunum segir við þá „Meðtakið heilagan anda!“ um leið og hann andar á þá. Ekkert gerist. Eftir smá stund segir einn lærisveinanna: „Veistu hvað Jesús, ég finn engan mun á mér.“ Jesús útskýrir fyrir vitlausa lærisveininum: „Auðvitað ekki, ég var bara að leika á táknrænan hátt atburði hvítasunnu.“

Athugasemdir

[Mofi, 8.6.2009 kl. 14:43]

Ég neita því ekki að það er frekar leyndardómur fyrir mig hvernig Heilagur Andi vinnur í Biblíunni.  Margir fleiri en postularnir fengu Heilagan Anda í Nýja Testamentinu en aðeins postularnir virðast hafa fengið hann á þann hátt að eldstungur birtust fyrir ofan þá. 

Mín skásta útskýring á þessu er að þarna var Jesú að lofa á táknrænan hátt því að postularnir myndu fá Heilagan Anda.  Enda voru þeir með Kristi í 40 daga eftir upprisuna og tíu daga í musterinu að biðja um Heilgan Anda sem síðan varð að veruleika á hvítasunnu.

[Hjalti Rúnar Ómarsson, 8.6.2009 kl. 15:02]

Mín skásta útskýring á þessu er að þarna var Jesú að lofa á táknrænan hátt því að postularnir myndu fá Heilagan Anda. 

Ertu að tala um Jh 20.22?

[Mofi, 8.6.2009 kl. 16:16]

Já

[Hjalti Rúnar Ómarsson, 8.6.2009 kl. 20:24]

Geturðu ímyndað þér Jesú að blása á lærisveinana? "Ég er að lofa því á táknrænan hátt að þið munuð fá heilagan anda."

[Mofi, 9.6.2009 kl. 12:18]

Ég neita því ekki að þetta lítur skringilega út fyrir mig. Geri aðeins ráð fyrir að þeir fengu meiri útskýringar en höfundurinn þarna segir frá.

[Hjalti Rúnar Ómarsson, 9.6.2009 kl. 18:36]

"Ég er að gera þetta svo að Jóhannes geti haft þetta í guðspjallinu sínu, þannig munu fylgjendur mínir ekki botna neitt í þessu í framtíðinni."

[Mofi, 10.6.2009 kl. 11:49]

Endilega utskyrdu...

[Hjalti Rúnar Ómarsson, 10.6.2009 kl. 13:47]

Útskýra hvað? Þarna var ég að ímynda mér hvernig útskýringar Jesú hafi verið.

[Hjalti Rúnar Ómarsson, 10.6.2009 kl. 13:48]

En af hverju heldurðu að hann hafi ekki verið að gefa þeim heilagan anda í Jh 20.22?

[Mofi, 10.6.2009 kl. 14:54]

Já, ok, ég skil :)     skil þinn punkt en skil hitt ekkert betur en ég var búinn að útskýra því miður.

[Andri (IP-tala skráð) 20.6.2009 kl. 01:29]

Ég vil bara benda á að margir fleiri voru fylltir heilögum anda, enda heilagur andi að störfum allt frá upphafi tíma:

"Í upphafi skapaði Guð himin og jörð.
²Jörðin var þá auð og tóm, og myrkur grúfði yfir djúpinu, og andi Guðs sveif yfir vötnunum." 1. Mós 1.1-2 

 Dæmi um menn sem voru fylltir af anda Guðs fyrir úthellinguna á hvítasunnudag:

"Sjálfur mælti Davíð af heilögum anda: Drottinn sagði við minn drottin: Set þig mér til hægri handar, þangað til ég gjöri óvini þína að fótskör þinni." Mark 12.36

"Því að hann mun verða mikill í augliti Drottins. Aldrei mun hann drekka vín né áfengan drykk, en fyllast heilögum anda þegar frá móðurlífi." Lúk 1.15 Um Jóhannes

Það virðist vera að heilagur andi hafi starfað í gegnum einstaka útvalda einstaklinga á tímum gamla testamentisins og fram að úthellingu andans; þ.e. t.d. Davíð konungi spámenn Guðs, Jóhannes skírara og postulana.

Í eftirfarandi versi segir Jesús (í Jóhannesarguðspjalli) að Faðirinn muni senda Heilagan Anda, en ekki Sonurinn, þannig að höfundur guðspjallsins var greinilega ekki að tala um það sem Jesús gerði svo í jóh 20.22

"En hjálparinn, andinn heilagi, sem faðirinn mun senda í mínu nafni, mun kenna yður allt og minna yður á allt það, sem ég hef sagt yður." Jóh 14.26

[Andri (IP-tala skráð) 20.6.2009 kl. 01:31]

Semsagt,

Andinn starfaði í einstökum mönnum fyrir hvítasunnudag, en eftir hvítasunnudag var hann aðgengilegur öllum kristnum.

[Hjalti Rúnar Ómarsson, 20.6.2009 kl. 13:53]

Andri, fengu lærisveinarnir heilagan anda þegar Jesús sagði "Meðtakið heilagan anda" og blés á þá?

[Andri (IP-tala skráð) 21.6.2009 kl. 18:14]

Ég er nú ekkert með neinn pottþéttan skilning á þessu frekar en þú en það virðist vera, ef ég skil þetta rétt, að postularnir, og fleiri hafi verið fylltir Anda Guðs í ákveðinn tíma, hugsanlega til þess að sinna ákveðnum verkum, en svo hafi Andinn vikið frá þeim.

En það sem gerðist svo á hvítasunnudag var að postularnir (og aðrir kristnir) fylltust Anda Guðs á ný og höfðu þeir þá aðgang að Anda Guðs til frambúðar.

Semsagt,

Já, þeir fylltust Anda Guðs þegar Jesús sagði "meðtakið heilagan anda", enda hefði hitt verið svakalega kjánalegt eins og þú bentir á :)

En Andinn fór frá þeim aftur (eins og gerðist fyrir aðra sem voru fylltir Andanum (þó ég hafi nú ekkert Biblíuvers til að styðja það).

Það er allavega mín kenning þangað til ég skipti um skoðun :) (enda hef ég áttað mig á því að ég hef oft misskilið hlutina en svo skilið þá betur seinna... þannig að ég hef þennan fyrirvara :)

[Hjalti Rúnar Ómarsson, 22.6.2009 kl. 20:37]

Bíddu, þannig að á meðan Jesús var með lærisveinunum, að kenna þeim, þá allt í einu "víkur andinn frá þeim"?

[Andri (IP-tala skráð) 23.6.2009 kl. 00:09]

Já.

Enda voru þeir ekkert fylltir Andanum alveg frá byrjun, þó svo Jesús hefði alveg geta blásið á þá fyrr. :)

Ég er ekki að segja að þeir hafi endilega gert eitthvað af sér til þess að Andinn færi frá þeim (þó þeir hafi nú gert nóg af sér samt) heldur bara það að þeir nutu leiðsagnar Anda Guðs fyrir ákveðið verk en svo fór hann aftur... því Andanum átti að úthella yfir alla kristna á hvítasunnudag.

[Andri (IP-tala skráð) 23.6.2009 kl. 00:21]

Ég veit alveg að þú segir eitthvað við þessu sem ég sagði þarna síðast... eflaust eitthvað um að það sé bara asnalegt að Guð taki andann frá þeim bara til þess að hann komi aftur seinna.

En það er bara af því þú ert búinn að ákveða að þú trúir þessu ekki og ert að leita að einhverju til þess að sverta Orð Guðs.

Mér finnst líka margt asnalegt og skrítið og ef ég væri Guð þá myndi ég gera flest allt örðuvísi.... en það skiptir ekki neinu máli.. Guð getur vel hafa gert þetta svona... ef hann hefur viljað það... og ekkert við því að segja, hvort sem okkur finnst þetta asnalegt eða ekki.

Minn punktur er bara þessi:

Þetta getur alveg passað svona, það er ekki hægt að segja að Orð Guðs sé ekki satt af því okkur finnst þessi punktur asnalegur, þannig að við skulum bara vera kátir og leita Guðs... lesa Orð Guðs og breyta eftir því :) Amen :D