Er kristin trú ekki falleg?

Einar Sigurbjörnsson, bróðir Kalla biskups, guðfræðiprófessor og kennari í ríkiskirkjudeild Háskóla Íslands, kallar eftirfarandi „hina sígildu lúthersku kenningu“ í bók eftir sig (á bls 465 í Credo, sem er einmitt notuð sem kennslubók í ríkiskirkjudeildinni!):

Eftir dóminn, hreppa þeir, sem með vantrú og þrjósku hafa hafnað Guðs náð, eilífan dauða eða eilífa glötun. Líf þeirra verður ævinlegt kvalalíf í sambúð við illa handa, endalaus angist og örvænting án allrar vonar um frelsun. Þetta er og kallað hinn annar dauði.

Þessa lýsingu á „hinni sígildu lúthersku kenningu“ er að finna í Helgakveri (bls. 72) sem var mest notaða fermingarkver ríkiskirkjunnar við upphaf síðustu aldar. Er kristin trú ekki falleg?

Athugasemdir

[Matthías Ásgeirsson, 21.12.2008 kl. 23:20]

Þeir sem sjá ekki fegurðina í þessu eru augljóslega siðlausir. 

[Mofi, 25.12.2008 kl. 16:24]

Ég skil ekki hvernig þeir fara að því að tala um eilífan dauða og síðan strax á eftir "líf þeirra verður". Sjá þeir virkilega enga mótsögn þarna?

well, hvað með það. 

Gleðileg jól Hjalti

[Hjalti Rúnar Ómarsson, 27.12.2008 kl. 15:18]

Mofi, ég skil ekki hvernig þú ferð að því að tala um að einhver "kveljast að eilífu" og síðan að viðkomandi verði ekki lengur til.

[Jóhann Hauksson, 2.1.2009 kl. 00:12]

Þetta er alveg skelfileg lýsing og í engu samræmi við Biblíuna. Þegar við deyjum þá föllum við í svefn. Þegar Jesú kemur verða hinir réttlátu reistir upp og munu ásamt hinum réttlátu fara með Jesú og vera með honum alla tíð. hinna bíður það að verða reistir upp að þúsund árum liðnum frá komu Jesú og síðan verðum hinum óréttlátu ásamt Satan og hans englum eitt í eldi, munu fuðra upp sem hálmleggir á augabragði og ekki verða til framar. Þetta er hinn annar dauði sá dauði sem er eilífur. Hel er dauði Helvíti er hinn annar dauði, vítið er að einstaklingurinn deyr og er eilíflega dauður, ekki til ekki með neina vitund. Þetta kennir Biblían

[Hjalti Rúnar Ómarsson, 2.1.2009 kl. 00:31]

Þetta kennir biblían ekki Jóhann. Réttara sagt kenna sumir hlutar biblíunnar þetta, aðrir ekki. Í Op 20.10 er meðal annars sagt að djöfullinn muni kveljast að eilífu:

[Djöfullinn og aðrir] verða kvalin dag og nótt um aldir alda.

"Augabragð"