Algengt viðhorf

Mér finnst merkilegt að mikið af fólkinu sem hneykslast á þessari kristilegu hugsun, að guð sé að refsa fólki með náttúruhamförum, hefur örugglega nánast sömu skoðun án þess að vita það.

Skoðum tvo trúmenn:

1. Bandaríski sjónvarpspredikarinn Pat Robertson segir að guð hafi ákveðið að senda jarðskjálftann á Haiti.

2. Íslenski ríkiskirkjupresturinn Ólafur Jóhann Borgþórsson segir að guð hafi ákveðið að breyta staðsetningu eldgossins í Heimaey.

Ég get ómögulega skilið af hverju bara annar þessara aðila er talinn vera geðsjúkt illmenni af sumum, ef það á annað borð að koma með svona stimpla. Fyrri tegundin er örugglega sjaldgæf á Íslandi, en sú síðari er það líklega ekki.

Ef guð er á annað borð að þvælast með puttana í náttúruhamförum, þá sé ég ekki hvers vegna það er mikið skárra að hugsa sér að hann hafi ákveðið að koma ekki í veg fyrir einhverja hamför heldur en að hugsa sér að hann hafi sent hana.

Ég vona að fólkið sem hneykslast á þessari frétt verði jafn hneykslað næst þegar það heyrir einhvern þakka guði fyrir næst þegar lítill skaði verður af hamförur.

Gosið endurspeglaði reiði Guðs

Athugasemdir

[Margrét St Hafsteinsdóttir, 24.7.2010 kl. 18:31]

Já þetta er allt svolítið skrítið ef fólk gæfi sér tíma til að hugsa um þessi mál.  Eins og sem dæmi þegar fólk þakkar guði fyrir að eiga heilbrigð börn.  Hvað á þá fólkið að segja sem eignast veik börn?   Þetta er allt jú eftir guðs haus hvernig hlutirnir æxlast skv. kristnum. 

Ég segi bara við kristna sem eru litaðir af innrætingu:  Hugsið þessi mál upp á nýtt og segið þessum guði upp.  Rekið hann bara - hann stendur sig ömurlega

[Hjalti Rúnar Ómarsson, 24.7.2010 kl. 21:26]

Algerlega sammála þér.

[Styrmir Reynisson, 26.7.2010 kl. 00:44]

Það kemur þessu ekki beint við en kemur kommenti Maargrétar við... Læknir sagði við mig vegna þess hve hné og bök fólks eru gjörn á að "bila". Hann sagði" það ætti að reka fíflið sem hannaði þetta."