Játning þjóðkirkjuprests

Fyrir nokkrum dögum síðan skrifaði ríkiskirkjupresturinn Baldur Kristjánsson athugasemd við færslu mína um  játningu Einars Sigurbjörnssonar. Hérna er áhugaverði hluti athugasemdarinnar:

Jesús talar þannig að hann búist við því að hinir síðustu tímar séu nálægir. Hann meira að segja reiknar með því að samtíðarmenn hans muni upplifa þá tíma, sem rætist ekki, ekki í fljótu bragði séð. Þetta er sannarlega umhugsunar virði.

Nú væri gaman að vita hvort Baldur telji að Jesús hafi ekki sagt þessi ummæli sem honum eru eignuð í guðspjöllunum, það er að segja hvort guðspjöllin séu óáreiðanleg, eða þá hvort Jesús hafi bara verið falsspámaður.

Þetta er að ég held í fyrsta sinn sem ég sé ríkiskirkjuprest minnast á þessar vandræðalegu spár Jesú og ég er ekki bjartsýnn á að Baldur muni ræða meira um þetta, ríkiskirkjuprestar virðast ekki hafa mikinn áhuga á umræðum um kristna trú.

Athugasemdir

[DoctorE (IP-tala skráð) 10.2.2009 kl. 09:04]

Ég hugsa nú að flestir prestar viti vel að biblían er bull.... Þeir láta það bara ekki uppi, þetta er djobbið þeirra...
Aðeins algerir nöttar eru enn að bíða eftir Sússa...

[Jón Steinar Ragnarsson, 25.2.2009 kl. 10:27]

Burt séð frá þessari skemmtilegu sneið, þá hef ég afar gaman af blogginu þínu og gagn sömuleiðis.

Mér þætti gaman að heyra greiningu þína á Mattheus 15. 21:28.  Þ.e. um kanvesku konuna. Í þeirri grein virðist mér inntakið vera (og það ekki ómerkilegt)

1. Jesús er rasisti og gerir mannamun.

2. Jesús segir að hann sé EINGÖNGU kominn til að frelsa menn af Ísraelsættþ

3. Jesús líkir kanverjum við hunda og þýðist bón konunnar þegar hún viðurkennir það.

Þessi saga er með ólíkindum og í raun finnst mér boðun krists falla í stafi með því sem fram kemur þar.

Máske hefur þú fjallað um þetta áður og ef svo er, þá þætti mér gaman að fá tengil á þá orðræðu.

[Jón Steinar Ragnarsson, 27.2.2009 kl. 22:33]

Það sem er svo skemmtileg upprifjun um þessa blökkumenn (Cananítana) er að samkvæmt biblíunni, þá eru þeir afkomendur Ham (Canan) sonar Nóa, en hann varð blakkur fyrir bölvun, sem Nói lagði á hann fyrir að hlæja að sér þar sem hann lá berrassaður og dauður úr víndrykkju. (the curse of Ham) Fyrir það fengu allar kynslóðir síðan að líða fyrir flissið í syni Nóa og jafnvel var þrælahaldið réttlætt af þessu fram á okkar daga.

Frábært réttlæti guðs.  Væntanlega er þetta innblásið orð guðs, eða guðleg grobbsaga og sýndarmennska til að sýna valdið. Sennilegast þó einvörðungu réttlæting fyrir blóðugum rasisma í þessum heimshluta, sem síðan hefur breiðst um alla jörð.

[Kristinn Theódórsson, 6.3.2009 kl. 00:58]

Jón Steinar

Varðandi söguna af Nóa sem liggur ofurölvi og hrýtur þegar synir hans koma að honum, þá segir í Biblíunni:

9:24  And Noah awoke from his wine, and knew what his younger son had done unto him.

Bæði orðalagið og refsingin gefa til kynna að eitthvað mun meira hafi gerst en að hlegið hafi verið að karlinum eða bara horft á hann.

Það sem Canan á að hafa gert er "saw the nakednessof his father", sem í sumum biblíuþýðingum þýðir að hafa kynmök.

Samkvæmt fyrirlestrum hennar Dr. Amy-Jill Levine má finna keimlíkar sögur í grískum heimildum þar sem sagan gengur út á geldingu...

Dr. Levine telur að um ritskoðun í Biblíunni sé að ræða og eitthvað alvarlegra eigi að koma þarna fram.

Sem er dálítið áhugavert.