Kristilegur kærleikur

Á umræðum hjá Aðalbirni Leifssyni við grein sem heitir "Hatur", kemur fullyrðing frá hinum kærleiksríka kristmanni Guðsteini Hauki sem má segja að tengist heiti greinar Aðalbjarnar betur en sjálft efni greinarinnar:

Aðra sögu má segja um þá [meðlimi Vantrúar], þeir gera nákvæmlega EKKI neitt til þess að gera heiminn betri. Hvorki í formi fjárhagsstuðnings né orða.

Við á Vantrú höfum oft verið sakaðir um að hata trúað fólk og að vera almennt illa við trúað fólk. Það er rangt. Ef einhver okkar myndi fullyrða að trúað fólk myndi ekki gera neitt til þess að gera heiminn betri, þá held ég að það væri eitthvað til í þeirri ásökun.

En nú veit Guðsteinn augljóslega ekkert um hvað meðlimir Vantrúar gera til þess að bæta heiminn, hvort sem það er í formi fjárhagsstuðnings né orða. Ég persónulega þekki bara til fjárhags eins meðlims, minn fjárhag. Ummæli Guðsteins segja því ekkert um okkur, en segja hins vegar heilmikið um hann og fordóma hans.

Athugasemdir

[Linda, 13.3.2008 kl. 20:35]

Svona eins og þessi færsla þínum þig..

[Lárus Viðar Lárusson (IP-tala skráð) 13.3.2008 kl. 21:49]

Alltaf málefnalegt Moggabloggið. Sjálfur er ég illur Vantrúarseggur en hef samt t.d. styrkt Amnesty mánaðarlega, þrátt fyrir að vera blankur námsmaður. Alveg eins og fátæka ekkjan sem gaf af skorti sínum.

Hef einnig oft gefið eitthvað til góðs málefnis, setti nokkra pesóa í bauk Rauða Krossins um daginn, gef betlurum hérna í Mexíkóborg reglulega klinkið mitt o.s.frv.

Segi þetta ekki til að upphefja góðmennsku mína, ég held þó að Vantrúarmenn séu ekkert öðruvísi en aðrir hvað fjárhagslegt framlag þeirra til að bæta heiminn varðar. Með því einu að halda úti Vantrú.is höfum við þó gert heiminn betri, það finnst mér að minnsta kosti. 

[Margrét St Hafsteinsdóttir, 15.3.2008 kl. 16:56]

Þeir sem tala mest um hatur eru hatursfullir sjálfir.  Margt af trúaða fólkinu álítur sig vera fullt af guðlegum krafti og kærleika en er bara orðið blint af ranghugmyndum og skilur ekki að því lengra og dýpra sem það kafar í trúarheiminn, því meiri verður vitfirringin.

[Jóhannes H. Proppé (IP-tala skráð) 28.5.2008 kl. 00:39]

Við vorum allir guðleysingjar sem stóðum að skipulagningu  Peace Core góðgerðatónleikanna hér í denn. Þeir sem í hvert skipti söfnuðu rúmum mánaðarlaunum verkamanna. Veit ég vel að flestir sem léku undir dansi voru jafn guðlausir, þótt allir sem komu að hafi gefið sína vinnu og jafnvel borgað sig inn.

Ef bara kristnu básúnuberarnir væru eins og tollheimtumaðurinn forðum "Vertu mér syndugum líknsamur"