Að kitla eyrun

Síðastliðinn sunnudag þurftu prestar þjóðkirkjunnar að predika um þessi vers:

Þá leit Jesús í kring og sagði við lærisveina sína: ,,Hve torvelt verður þeim, sem auðinn hafa, að ganga inn í Guðs ríki.``Lærisveinunum brá mjög við orð Jesú, en hann sagði aftur við þá: ,,Börn, hve torvelt er að komast inn í Guðs ríki. Auðveldara er úlfalda að fara gegnum nálarauga en auðmanni að komast inn í Guðs ríki.`` En þeir urðu steini lostnir og sögðu sín á milli: ,,Hver getur þá orðið hólpinn?`` Jesús horfði á þá og sagði: ,,Fyrir mönnum eru engin ráð til þessa, en fyrir Guði. Guð megnar allt.`` (Mk 10:23-27)

Á bloggsíðu sinni segir þjóðkirkjupresturinn  Baldur Kristjánsson að það "segi sig sjálft" að feitletruðu ummæli Jesú vísi til þess að það hafi verið til hlið í Jerúsalem sem hét Nálaraugað 
sem varsvo þröngt að kameldýr komst ekki í gegnum það með byrgðar á bakinu. 
Ég spurði hann tvisvar að því hvers vegna hann hélt að þetta væri raunin, í bæði skiptin 
var svarið að það segði sig bara sjálft.

Ég ákvað að kíkja á hvað fræðimenn höfðu um þetta að segja, greinar í fræðiritum á netinu höfnuðu þessu án nokkurra útskýringa, þannig að ég kíkti á ritskýringarrit á Landsbókasafninu. Ég byrjaði á Word Biblical Commentary um viðeigandi hluta og þar stóð:

"When Jesus says trumalias rafidos, "eye of a needle," he means just that. He is not talking about a small gate somewhere in the walls of Jerusalem through which camels may have passed with great difficulty. The so-called Needle Gate that the locals show to gullible pilagrims to the Holy Land cannot be dated any earlier than the Middle ages (usually to Theophylact)"

Síðan var bent á svipuð dæmi úr ritum gyðinga. Önnur ritskýringarrit tóku undir þetta og maður þarf ekki nema að lesa textann til þess að sjá að þessi miðaldaskýring (þessi Theophylact er frá 11. öld) er út í hött.

Ef Jesús var bara að segja að það væri jafn erfitt fyrir auðmann að komast til himnaríkis og fyrir úlfalda að komast inn um hlið sem hann rétt svo passaði í, þá væru viðbrögð lærisveinanna óskiljanleg: "En þeir urðu steini lostnir og sögðu sín á milli: ,,Hver getur þá orðið hólpinn?"

Nei, í guðspjallinu er Jesús hreinlega ekki bjartsýnn á örlög auðmanna. En að allt öðru máli: Fyrir tveimur árum síðan voru lægstu byrjunarlaun presta 420 þúsund krónur á mánuði.  Sumir 
þeirra eru með miklu hærri laun. Prestagreyin telja nálaraugað greinilega ekki vera of lítið fyrir andlega menn eins og þá, því núna í september var þetta ákveðið á stjórnarfundi Prestafélags Íslands:

Helstu áherslur fyrir kjararáð eru eftirfarandi: Allir prestar hafi sömu grunnlaun. Lögð verði áhersla á hækkun grunnlauna og að fleiri einingar fari inn í grunnlaun þar sem það leiði til hærri lífeyris presta. 

Athugasemdir

[Matthías Ásgeirsson, 11.10.2007 kl. 09:45]

Skelltu þessu á Vantrúarvefinn Hjalti.

[Aðalbjörn Leifsson (IP-tala skráð) 11.10.2007 kl. 22:16]

Sæll Hjalti í sambandi við auðinn þá er ekkert óeðlilegt við það að vera ríkur svo framanlega sem auðurinn stjórni þér ekki. Lúk 12:34 Því hvar sem fjársjóður þinn er þar mun og hjarta þitt vera. Það segir að ef þú selur eigur þínar og gefur þá færð þú margfallt aftur til baka, sem sagt ekki vera nískur gefðu. Í sambandi við að Kristur hafi verið andsetinn þá er þetta rétt hugsað hjá þér en við tölum um að vera fylltur heilögum anda, hitt skilst alveg. Að myrða börn er ekki boðlegt og eru hinir kristnu á móti því við eigum ekki að fórna börnum til handa Mólok.(fóstureyðingar). Morð er aldrei ásættanlegt börnin hafa val þegar þau fullorðnast og geta ef þau vilja tekið á móti Kristi sem Drottni. Þ:að er eitt sem ég er ekki að skilja Hjalti hvernig stendur á því að þú nærð að pirra svona svakalega mikið ymsa kristna einstalinga? Guð blessi þig og varðveiti í Jesú nafni Amen.

[Þormar Helgi Ingimarsson, 11.10.2007 kl. 22:54]

Já Hjalti. Ég er sammála Aðalbirni um þessi mál.

Megu Guð blaeea þig með sér hverri blessunum frá himinhæðum í Jesú nafni. Amen. Kv. Þormar.   

[Matthías Ásgeirsson, 11.10.2007 kl. 23:10]

Skúli, ertu þroskaheftur? 

[Margrét St Hafsteinsdóttir, 15.10.2007 kl. 00:09]

Skúli kallaði mig rasista á minni síðu vegna skrifa minna um kaþólsku kirkjuna

Mér finnst bara sjúkt að prestar fái svona há laun sem eru tekin úr vösum skattborgaranna. Mér finnst reyndar að þeir ættu ekki að fá nein laun frá okkur. Söfnuðurinn í viðkomandi kirkju getur séð prestinum fyrir launum ef þeir vilja halda í hann.

Aldrei heyrir maður presta andmæla þeirri lús sem öryrkjar fá hérna og eiga að lifa af. Held að fátækrastyrkur fyrir einstakling sem er öryrki nái ekki hundraðþúsundkallinum.

Prestarnir sem telja sig vera boðbera kærleikans og dásemdar drottins ættu að fara í smá naflaskoðun.

Síðan á að sjálfsögðu að aðskilja ríki og kirkju..........NÚNA! 

[DoctorE (IP-tala skráð) 16.10.2007 kl. 15:13]

Þessi hlutur með að auðmenn komist ekki í himnaríki er barnaleg sálfræði sem er til þess gerð að láta fátæklinga sætta sig við að lepja dauðann úr skel því eftir dauðann verði þeir í paradís..
Ótrúlegt að fólk sjái ekki í gegnum þetta rugl sem segir lágstéttum að það sé gott að vera fátækur

[Aðalbjörn Leifsson, 16.10.2007 kl. 16:22]

Auðmenn komast víst inn í himnaríki því það er blessun að vera auðugur en bölvun að vera fátækur. Í Predikaranum segir að peningar veiti allt, það er staðreynd og satt. En græðgi er vond. Ef einhver er fátækur þá skyldi sá hinn sami vinna sig úr fátæktinni. Vinnann skapar auðinn, annað er rugl og að halda að fátækt komi mönnum í himnaríki það er kjánalegt að halda það. Doktor E þú átt meiri möguleika á að komast inn í himnaríki heldur en einhver fátækur maður eða auðugur.

[DoctorE (IP-tala skráð) 16.10.2007 kl. 17:20]

Ég vil ekki fara í himnaríki því þar er svo mikið af leiðinlegu fólki sem er tilbúið að vera eins og þrælar einhvers guðs, not my style

[Guðsteinn Haukur Barkarson, 24.10.2007 kl. 19:11]

Skúli, ertu þroskaheftur?

hmmm ... eru vantrúarmenn alltaf svona kurteisir?

En afhverju ertu svona áhyggjufullur um efnahag prestanna Hjalti? Er einhver ástæða fyrir því?

Annars komast allir auðmenn í himnaríki, þetta bara spurning um val eins og hjá öllum, þar á meðal þér Hjalti.