Greyið Karl biskup að kafna í vinnu

Neðst til vinstri á opnunni þar sem þessi frétt er í 24 stundum er þessi undarlegi dálkur:

Tímabundinn

Eftir ítrekaðar tilraunir til að
leggja spurningu 24 stunda
fyrir Karl Sigurbjörnsson
biskup fengust þær upplýsingar
frá Biskupsstofu að Karl
hefði ekki tíma til að svara,
þrátt fyrir að erindi blaðsins
hafi legið ljóst fyrir.

Hafði biskupsgreyið ekki tíma til þess að svara spurningunni: "Ef samkynhneigt par biður þig að staðfesta samvist sína í kirkju, munt þú gera það?" Auðvitað ekki.

Staðreyndin er auðvitað sú að Kalli myndi aldrei gera það, en hann þorir ekki að svara spurningunni. Það hlýtur að hafa verið vandræðaleg augnablik á Biskupsstofunni þegar almannatengslafólkið og biskupinn voru að ræða um þetta.

Að biskupinn hafi ekki haft tíma til þess að svara þessu er auðvitað lygi, annað hvort kominn frá biskupnum sjálfum eða einhverjum öðrum starfsmanni kirkjunnar.

En leyfum Kalla að njóta vafans, rétt í þessu var ég að senda honum eftirfarandi tölvupóst. Við skulum vona að hann muni fá mínútnu frið til þess að skoða tölvupóstinn sinn í næstu viku. Greyið maðurinn er örugglega bara svona svakalea upptekinn. Skal láta vita hvort ég fái svar:

Sæll Karl Sigurbjörnsson

Ég hlakkaði afskaplega mikið til að sjá svar þitt í 24 stundum í dag, en ég varð fyrir miklum vonbrigðum þegar það kom í ljós að þú varst svo afskaplega upptekinn að þú gast ekki svarað einni spurningu, þrátt fyrir "ítrekaðar tilraunir" blaðamanna.

Ef þú hefur tíma til þess að lesa þennan tölvupóst, þá hefði ég afskaplega gaman af því ef þú gætir svarað spurningunni sem fréttamaðurinn lagði fyrir þig. Ef þú hefur ekki tíma núna til þess að ýta á "svara" og skrifa "já" eða "nei", þá get ég alveg beðið. Vonandi verðurðu ekki svona afskaplega upptekinn allt til starfsloka.

Hérna er spurningin: "Ef samkynhneigt par biður þig að staðfesta samvist sína í kirkju, munt þú gera það?"

bestu kveðjur, Hjalti Rúnar Ómarsson

Hýrnar yfir kirkjunni

Athugasemdir

[Jóhanna Magnúsar- og Völudóttir , 5.7.2008 kl. 21:23]

Ég er sammála þér þarna, Karlinn hefði átt að svara.

[Sindri Guðjónsson, 6.7.2008 kl. 00:30]

Það tekur mjög langan tíma að seja já, og enn lengri að segja nei.

[Sölvi Arnar Arnórsson, 6.7.2008 kl. 01:25]

Ég heyrði viðtal fyrir nokkrum mánuðum síðan við Karl Biskup, Ég veit hver afstaða hanns er varðandi samvist samkyhneigðra í  Kirkju.

það er skýrt og klárt. Hann myndi segja NEi

[Carlos Ferrer (IP-tala skráð) 6.7.2008 kl. 18:28]

karl.sigurbjornsson at kirkjan.is

[Hjalti Rúnar Ómarsson, 7.7.2008 kl. 21:21]

Carlos, ég skil ekki af hverju þú ert að benda á tölvupóstfangið hans Kalla biskups, því eins og fram kemur í greininni, þá er ég þegar búinn að senda honum tölvupóstinn.

[Valsól (IP-tala skráð) 8.7.2008 kl. 01:12]

Frábært framtak hjá þér Hjalti.

[Jón Stefánsson, 17.7.2008 kl. 21:09]

Ekkert svar?

[Hjalti Rúnar Ómarsson, 17.7.2008 kl. 21:31]

Ekkert svar komið, ætli maður þurfi ekki bara að senda það aftur eða hringja og spyrja hvort hann hafi tíma á næstunni.