Að skapa Jesú í sinni eigin mynd

Það er mjög algengt að fólk sem telur að Jesús hafi verið rosalega merkilegaur maður eigni honum sínar eigin skoðanir. Hérna virðist Elton John tileinka honum kynhneigð sína. Hvort Jesús hafi verið hommi eða ekki er auðvitað ekki vitað (þó svo að hann hafi líklega ekki verið það, þar sem að flest fólk er ekki samkynhneigt).

Þeir sem hneykslast eða hlæja að þessari uppástungu hans ættu að velta því fyrir sér hvort þeir séu ekki sekir um sama hlut. Mér finnst það til dæmis mjög líklegt að Jesús hafi talið samkynja kynlíf vera synd, en kristið fólk sem er ekki á þessari skoðun (Jóhanna moggabloggari er gott dæmi) "veit" einhvern veginn að Jesús hafði neitt á móti því!

Síðast í dag rakst ég á dæmi um þessaa hneigð (að tileinka Jesú skoðanir sínar, ekki samkynhneigð) á bloggi ríkiskirkjuprestins Þórhalls Heimissonar:

Enn í dag standa stærstu kirkjudeildirnar í heiminum á móti því að konur gerist prestar og taki að sér safnaðarforystu. Það er auðvitað þvert á orð og kenningu Jesú. # 

Við vitum ekki hvaða viðhorf Jesús hafði til jafnrétti kynjanna. Hvergi í guðspjöllunum segir hann eitthvað eins og: „Konur og karlar skulu vera jafnrétthá í öllu og bæði kynin eiga að geta gegnt öllum embættum.“ Og það sem mikilvægara er, ef guðspjöllin eru góð heimild um það sem hann sagði og ef Jesús sagði eitthvað jafn mikilvægt og þetta, af hverju skrifaði enginn um það? Hefði maður ekki búist við því? Og ef Jesús var á þessari skoðun, af hverju voru tólf af lærisveinunum tólf karlmenn?

Í Nýja testamentinu er hins vegar fjallað um hvort að konur eigi að geta tekið að sér safnarðarforystu, í bréfum sem eru eftir Pál eða eru falsanir í hans nafni. Þar er svarið það að konan á ekki að hafa vald yfir karlmanni, hún á að halda kjafti á samkomum og spyrja yfirman sinn (eiginmanninn) sinn að spurningum heima. Ef Jesús boðaði jafnrétti kynjanna, þá gleymdist að segja Páli frá því.

Ætli Jesús hafi ekki líka verið fylgjandi ókeypis tannlækningum fyrir börn?

Elton John: Jesús var samkynhneigður

Athugasemdir

[Aðalbjörn Leifsson, 20.2.2010 kl. 19:31]

Mér líkar vel það sem þú skrifar um trúna.... oftast nær. Be blessed and not stressed.

[Friðrik K. (IP-tala skráð) 22.2.2010 kl. 13:54]

Jesús var líkar harður Samfylkingamaður og  vill að Íslendingar borgi IceSave reikningina.

[Sigurður Karl Lúðvíksson, 24.2.2010 kl. 15:51]

Mjög rétt og mikilvægur punktur í rökræðum við kristlinga. Það virðist alltaf vera takmark þeirra í geðveilu sinni að ímynda sér eins flekklausa og stórkostlega fyrirmynd og hægt er, og kalla hana svo Ésú, og hunsa ALLT annað sem kann að mæla því mót. En það er ekki eins og maður eigi við því að búast að svona geðveila sé rökrétt né skynsöm á neitt hátt.

[Mofi, 1.3.2010 kl. 13:01]

Pottþétt þetta með tannlækningarnar :)

Það eru allt of margir sem láta Jesú vera sammála sér þegar við höfum engar heimildir fyrir skoðunum Hans í viðkomandi efni. Enn meira pirrandi þegar þeirra skoðun fer á móti því sem Nýja eða Gamla Testamentið boðar því að flestir kristnir trúa að Guð er á bakvið orð Krists alveg eins og restina af Biblíunni.

[Aron (IP-tala skráð) 21.5.2010 kl. 00:04]

Hver er Jesú?